Почина кошаркарскиот тренер Драган Василов Цевка

Еден од најпознатите и најтрофејни тренери во млади категории во земјава, Драган Василов, почина синоќа, на 64-годишна возраст, објави порталот Спортмедиа.

Популарниот Цевка над три децении, со мали прекини, работеше како тренер на млади играчи, низ неговите раце поминаа бројни познати кошаркари и македонски репрезентативци, пред сè, од школата на Работнички, како Перо Антиќ, Емил Рајковиќ, Ѓорѓи Чековски, Александар Јончевски, а во младинските селекции и Димитар Мираковски, Златко Гоцевски, Александар Антиќ, Кирил Павловски…

Во 1999 година беше селектор на кадетската репрезентација на Македонија која го освои шестото место на Европското првенство во Словенија што досега е втор најдобар пласман на една македонската младинска селекција, по четвртото место во 1995 година.

По заминувањето од Работнички, работеше во Торус СЦБТ, Партизан Водно Санс, Јуниор и Феникс 2010.

Back to top button
Close