Почина осуденик во штипскиот затвор

Почина осуденик во Затвор – Штип, потврди и директорот Мики Тодоров.

Станува збор за возрасно лице, кое вчера со возило на Итната медицинска помош било однесено во Клиничката болница во Штип на Интерно одделение, каде останало неколку часа, а утринава е отпуштено.

Осуденикот починал само што бил вратен во Затворот и за тоа биле известени екипи на Итната медицинска помош, кои констатирале смрт.

Тодоров изјави дека за смртта на осуденикот е известен и СВР Штип, а според сите документи со кои располагаат во однос на здравствената состојба на лицето, не е дадено наредба да се изврши обдукција.

Back to top button
Close