Почина Тони Сирико, актерот од легендарната серија The Sopranos

Тони Сирико, актерот познат по улогата на Поли Гуалтиери во хит серијата „The Sopranos“, почина на 79-годишна возраст.

Оваа вест на својот Фејсбук профил ја потврди неговиот брат Роберт Сирико.

„Семејството Сирико со голема тага сака да ве извести дека драгиот Тони почина на 8 јули. Ние сме горди на секое негово достигнување и ќе го паметиме засекогаш. Ви благодариме за вашето сочувство и ве молиме почитувајте ја нашата приватност во ова болно време“, напиша Роберт.

Сирико глумеше и во филмовите на Вуди Ален: „Bullets Over Broadway“, „Mighty Aphrodite“, „Everyone Says I Love You“, „Deconstructing Harry“, „Wonder Wheel“, како и во „Goodfellas“ на Мартин Скорсезе, итн.