Почна судењето за клевета: Амбер Херд го обвини Џони Деп и за сексуално насилство
Aдвокатите на Амбер Херд го обвинија нејзиниот поранешен сопруг Џони Деп за сексуален напад додека актерот се обидува да ја докаже тужбата за клевета против неа.
Адвокатскиот тим на Џони Деп ја нарече Амбер Херд „лажгa опседната со својот имиџ“ во воведните аргументи на судењето за клевета меѓу поранешните сопружници.
Деп ја тужи Херд поради статија што таа ја напиша за „Вашингтон пост“ во 2018 година, за преживеано семејно насилство, иако таа не го спомнува Деп по име во написот.
58-годишниот Деп негира каква било злоупотреба и ја тужи својата поранешна сопруга, барајќи оштета од 50 милиони долари.
Херд (35), пак, поднесе противтужба од 100 милиони долари.
Во текот на постапката, која се емитува во живо од Судската телевизија, адвокатот на Херд, Бен Ротенборн, во своето воведно излагање рече дека доказите ќе покажат семејна злоупотреба од страна на Деп и дека таквата злоупотреба вклучува многу форми- физичка, емоционална, вербална и психолошка.
Адвокатите на актерката која и во минатото откриваше повеќе шокантни детали од нивниот брак, изнесоа нови докази за насилството што таа го претрпела.
Според адвокатите на Херд, насилното однесување секогаш било последица на консумирањето алкохол и дрога.
Така по добра забава со неговиот пријател Мерлин Менсон, актерот сосема „исклучил“ од прекумерно користење дрога и три дена ја држел во „заложничка ситуација“ во Австралија.
Во тие денови, наводно Џони Деп фрлал шишиња врз неа, ја тепал, ја клоцал, се заканувал дека ќе ја убие и на крај пенетрирал во неа со шише.
