Почнува новата сезона во фудбалската Лига на шампиони

Новата фудбалска сезона на Лигата на шампиони стартува во вторник, по втор пат во новиот формат што беше воведен минатата година, а титулата ја брани ПСЖ.

Пласман во лигашката фаза обезбедија 36 екипи и секој клуб ќе одигра осум натпревари, по четири на домашен и на гостински терен.

Првопласираните осум екипи по лигашката фаза одат директно во осминафиналето, а следните 16 влегуваат во плејофот.

Оваа сезона ќе биде отворена со неколку дерби натпревари, во кои Челзи в среда му гостува на Баерн, ПСЖ игра против Аталанта, Ливерпул го пречекува Атлетико Мадрид, додека в четврток Њукасл ќе игра против Барселона, а Манчестер Сити против Наполи.

Финалето во Лигата на шампиони е закажано за 30 мај идната година на „Пушкаш Арена“ во Будимпешта.