Полицајците го фатиле како краде, тој  ги нападнал

Дваесетгодишен крадец во Велес успеал да обие куќа и да влезе во неа, но откако е пријавен на местото на кражбата стигнале двајца полицајци. Интервенцијата се случила синоќа во 22:30 на велешката улица Ѓ.Органџиев.

Тие го фатиле на дело, но пред да му стават лисици, тој ги нападнал и почнал да ги тепа. Полицајците го совладале и бил приведен.

По акцијата двајцата полицајци побарале помош во велешката болница. Оттаму за sdk.mk изјавиле дека полицајците по укажаната лекарска помош биле пуштени на домашно лекување и имале полесни повреди, гребаници и модринки по лицето

Полицајците биле на возраст од 20 и 25 години. Крадецот ќе одговара и за кражба, но и за напад врз овластени службени лица.

Извадок од билтенот на МВР:

На 29.10.2021 во 22,30 часот во Велес полициски службеници од СВР Велес го лишиле од слобода А.Д.(20) од Велес, кој бил затекнат при вршење на кривично дело кражба во куќа на ул.“Ѓ.Органџиев“, а потоа и физички нападнал полициски службеници. По целосното документирање на случајот против него ќе биде поднесен соодветен поднесок.