Поповиќ во „Топ тема“: Предложените законски измени за договорот со „Бехтел и Енка“ регулираат исклучоци, а тоа само по себе е ризик од корупција

Прво, регулираат исклучоци, не доообјаснуваат, не доуредуваат. Тоа само по себе е ризик од корупција, рече Миша Поповиќ од Институтот за демократија во вечерашната дебата во „Топ тема“ на ТВ Телма, во врска со предложените измени на девет законски решенија што се поврзани со автопатите од коридорите 8 и 10Д, чија изградба е доверена на американско-турскиот конзорциум „Бехтел&Енка“.

„Регулирате некакви исклучоци, особено затоа што давате привилегија на некој со законско решение, низ исклучок наспроти други кои се исто така обврзани со законите“, изјави Поповиќ.