Повреден мотоциклист во сообраќајка на „Рузвелтова“ во Скопје

Во сообраќајка што се случила утрово околу 09.50 часот на ул. „Рузвелтова“ во Скопје, според првичните информации, со повреди се здобил мотоциклист, кој бил пренесен во Градската општа болница „8-ми Септември“ за укажување лекарска помош.

Во СВР Скопје, информираа за МИА, било пријавено дека на ул. „Рузвелтова“ се случила сообраќајна незгода помеѓу патничко возило „фиат пунто“ со скопски регистарски ознаки и мотоцикл со скопски регистарски ознаки. Притоа, со повреди се здобил мотоциклистот и бил пренесен во Градската општа болница „8-ми Септември“ за укажување лекарска помош.

На местото на сообраќјката се уште се врши увид.