„Пратениците од Европскиот фронт не гласаа за хуманитарна помош за Газа, иако Резолуцијата беше нивна“

Аднан Азизи – пратеникот од ВРЕДИ реагираше на, како што вели, контрадикторниот став на пратениците од коалицијата Европски фронт во врска со гласањето за Резолуција за хуманитарна помош за Газа, која вчера беше одбиена во Парламентот.

Азизи на ФБ напиша дека од 21 пратеник на Европскиот фронт, само петмина гласале за Резолуцијата, иако, тоа била нивна иницијатива.

Обвинува дека ЕФ дека се обидува политички да профитира од геноцидите и страдањата на палестинското население.

Тој објасни дека процедурите за усвојување на резолуција во Парламентот бараат претходен договор и координација меѓу сите партии, што според него не е почитувано од страна на албанската опозиција.

„Доколку иницијативата беше искрена и имаше намера да биде одобрена, таа ќе поминеше низ соодветните институционални и процедурални канали“, нагласи Азизи.

Поддршка на Резолуцијата дадоа само 16 пратеници, меѓу нив и 6 пратеници на Левица.

Инаку, Резoлуцијата беше предложена од пратениците Скендер Реџепи, Арбана Пашоли, Рина Ајдари, Муса Џафери, Дијана Тоска, Илире Даути и Сали Мурати.