Пратеникот Петрушевски се обидел физички да нападнe пратеничка. Пратеничките од мнозинството бараат извинување

Пратеничките од собраниското мнозинството го осудија со заедничко соопштение, како што го нарекоа, обидот за физички напад на пратеникот Бране Петрушевски и навредите врз пратеничката Жаклина Лазаревска.

„Во време кога целата јавност испраќа јасна порака против говорот на омраза и сите форми на родово базирано насилство, токму ние жените пратенички сме секојдневно изложени на политичка некултура, шовинизам и сексизам од страна на дел од пратениците на ВМРО-ДПМНЕ.

Потребна е итна промена на Етичкиот кодекс од комисијата за мандатно имунитетни прашања,

итна промена на деловникот на Собранието за санкционирање на вознемирувањето на работното место! Во Домот на демократијата мизогинијата, омраза или предрасуда кон жените, не смее да биде оружје за дел од колегите пратеници со кое се пресметуваат со нас жените. Говорот на омраза спрема жените не смее биде наше секојдневие и ние тоа нема да го толерираме – се вели во реакцијата на групата пратенички во Собранието.