Празнично апсење на гробишта – лажен поп пеел на Задушница
Од Министерството за внатрешни работи (МВР) за „Слободен печат“ потврдиле дека станува збор за лицето Б.П., кое било затекнато како извршува обред, и дека се преземаат мерки за расчистување на случајот.
Необичен инцидент се случил на гробиштата во скопската населба Ѓорче Петров, кога полициски службеници легитимирале човек што изведувал верски активности за време на празникот Задушница.
На социјалните мрежи веднаш се појавија сведоштва и коментари дека човекот бил облечен во свештеничка мантија, држел кандило и нудел да „пее“ за покојници, но очигледно не бил вистински поп.
Кога пристигнала полицијата, неколкумина полицајци го привеле, а посетителите на гробиштата останале збунети.
Од МВР не откриваат повеќе детали, само велат дека случајот се расчистува.
Граѓаните, пак, коментираат дека вакви сцени на задушница не се гледаат секој ден. „Е, моја чудесна Македонија“, напиша еден од очевидците.
…
