Премиерот Ковачевски со честитка по повод Божик до верниците на Католичката црква
Премиерот Димитар Ковачевски упати писмо со честитки до д-р Киро Стојанов, бискуп скопски и апостолски егзарх, по повод големиот христијански празник Христовото раѓање – Божиќ кој денеска го прославуваат верниците на Католичката црква.
-Големиот Христијански празник-Христовото раѓање, Божиќ е симбол на сплотеност, заедништво, љубов и раѓање на нова надеж. Токму овој празник треба да нè потсети на семејните вредности, на солидарноста и љубовта кон ближниот. Овој голем празник е симбол и на тоа дека сите предизвици во животот треба да се обидеме да ги надминеме со добра волја, трпение, разбирање и подавање рака на ближниот, вели Ковачевски во честитката.
Во изминатата година, додава тој, ги надминавме поголемите потешкотии кои ни ги наметна корона кризата, но се соочивме со енергетско-економска криза.
Само на тој начин, според него, ќе успееме да ги надминеме и најтешките искушенија. Во духот на овој голем христијански празник, премиерот би сакал сите да се потсетиме на основните христијански вредности-да подадеме рака секому кому му е потребна помош, да даруваме безусловна љубов и да не заборавиме да правиме добри дела.