Претрес кај кочанчанец, објавил компромитирачко видео од 33-годишна жена

Маж од Кочани на возраст од 40 години бил повикан на разговор во полициска станица бидејќи се сомничи дека пред неколку дена на социјална мрежа објавил компромитирачка снимка од 33-годишна жена.

Полицијата во неговиот дом нашла компјутер и мобилни телефони за кои смета дека можеби се поврзани со делото.

– На 13.03.2023 во Полициската станица Кочани бил извршен службен разговор со Г.П.(40) од Кочани. Тој се сомничи дека на 09/10.03.2023 на социјалните мрежи објавил видео со 33 – годишна жена со компромитирачка содржина. Полициски службеници од ОВР Кочани, по судска наредба, извршиле претрес во неговиот дом, при што пронашле и одзеле лаптоп компјутер и мобилни телефони за кои постои сомнение дека се поврзани со делото. По комплетирање на случајот против Г.П. ќе биде поднесена соодветна пријава, информира МВР.