Притвор за тројцата напаѓачи на српските играорци во Сплит

Истражниот судија на Сплитскиот окружен суд им одреди притвор на тројца мажи осомничени за насилно однесување кон српски фолклорни играорци во Блатине, Сплит

Причина за притворот е што од судот заклучиле дека тие би можеле да се обидат да влијаат врз сведоците, како и да го повторат кривичното дело за кое се товарат.

Одбраната најави жалба, изјави адвокатот Тони Маринковиќ, кој застапува еден од уапсените.

Од таму сметаат дека одлуката на судот е неоправдана бидејќи обвинетите не ги познаваат сведоците, ниту пак постои можност да ги контактираат.

Покрај тоа, тие се убедени дека нема опасност од повторување на кривичното дело бидејќи станува збор за луѓе кои досега не се осудувани.

Обвинетите се соочуваат со затворска казна од 6 месеци до 5 години за кривичното дело „насилно однесување сторено од омраза“.