Приведен крадец во центарот на Скопје

Полициски службеници утрово на автобуската станица кај Зелен пазар во Скопје го приведоа 38-годишниот скопјанец Т.А., кај кого бил пронајден украден паричник.

– Денеска (27.08.) околу 08:10 часот на автобуска станица кај Зелен пазар во Скопје, од страна на полициски службеници од ЕВР Центар и Бит Пазар бил приведен Т.А. (38) од Скопје, кај кого бил пронајден украден паричник. Паричникот бил на 49-годишно лице од село Вруток, Гостиварско, кој што претходно пријавил дека на 26.07.2022 на железничката станица во Скопје му бил одземен од непознато лице, информира МВР.

По документирање на случајот против Т.А. ќе биде поднесена соодветна кривична пријава.