Први тужби против Австрија поради заразите од Ишгл

Први тужби се поднесени против Република Австрија во врска со инфекцијата со новиот коронавирус во австрискиот ски центар Ишгл, град што стана познат низ целиот свет на почетокот на пандемијата.

Здружението за заштита на потрошувачите (ВСВ), преку својот адвокат Александар Клаузер, прво поднесе четири тужби на заразени до Виенскиот покраински суд за граѓанско право.

Како што објави претседателот на ВСВ, Питер Колба, тоа здружение во моментов претставува 1.000 погодени лица.

Вкупно 6.000 луѓе од 45 земји контактирале со ВСВ, тврдејќи дека се заразиле со вирусот додека скијале во Ишгл.