Пукање во Центарот за социјални работи во Прилеп – ранета е службеничка

Денес околу 14 часот вооружено лице упаднало во просториите на Центарот за социјални работи во Прилеп, при што со прострелна рана ранил службеничка во пределот на стомакот, пренесе Народен глас.

Службеничката од ЦСР е веднаш пренесена во ЈЗУ Општа болница „Борка Талески“ каде во моментот се извршува оперативен зафат.

„Во 13.53 часот во ОВР Прилеп било пријавено дека во Центарот за социјални работи Прилеп имало пукање со огнено оружје и било повредено едно лице кое е пренесено во Градска болница Прилеп. Од страна на полициски службеници од ОВР Прилеп било излезени на лице место при што лишен од слобода бил А.Ј.(50) од Прилеп кај кого се пронајдени пиштол и нож“, велат од МВР.