Радев бара да остане ветото за Македонија

Претседателот на Бугарија, Румен Радев, побара да опстои ветото за Македонија додека се формира новото парламентарно мнозинство.

По распадот на владината коалиција, според Радев, неопходно било власта да обезбеди финансиска стабилност на државата и помош за економијата, ама воедно порача да остане спуштена рампата и за ЕУ интеграциите на Македонија.

Пораката на Радев следи по еден ден откако премиерот Петков при посетата на еврокомесарот за проширување, Вархеи изјави дека ветото за Македонија може да биде тргнато само ако се запази резолуцијата за земјава донесена во бугарскиот парламент, вклучување на Бугарите во македонскиот Устав и реализирање на договорот за добрососедство, а за нивното исполнување да гарантира Европската Унија.

Back to top button
Close