Македонија под Заев и СДСМ станува Колумбија од времето на Пабло Ескобар, обвинува ВМРО-ДПМНЕ

 

Зоран Заев и СДСМ ја упропастија Република Македонија. Ветуваа 500 евра плата, а во реалноста истата е далеку под тоа, обвини ВМРО-ДПМНЕ преку соопштение.

„Зоран Заев и СДСМ ветуваа раст на БДП годишно од 5-7%, а немаме ни пола од тоа. СДСМ три години систематски ја уништува Македонија. Јавниот долг за 3 години надмина над 5 милијарди евра, а само оваа година заради лошиот менаџмент буџетската дупка ќе изнесува 1 милијарда евра. СДСМ не работи домаќински, туку апашки. Буџетот го користат само за намирување на нивните апетити, за преку тендери да ги полнат сметките на ним блиски фирми. Три години во Македонија нема здрава бизнис клима. Три години во Македонија картони за палење на коли дели Вице Заев, а братучед му Трајче одлучува кој бизнис може, а кој не може да работи. Со СДСМ Македонија само тоне, и станува Колумбија од времето на Пабло Ескобар. Македонија заслужува подобро. Криминалот, корупцијата и рекетот мора да станат минато. Одговорност мора да има“, наведено е во соопштението.

Back to top button
Close