Реална закана за безбедноста нема но на откривање на дојавувачите за бомби требе посериозно да се работи вели Петровска
Според неа, може да имаме претпоставки зошто токму земјава е интензивно опфатена со дојави за поставени бомби, но за да знаеме точно од кого се предизвикани и што е целта мора да го знаеме и сторителот.
Една од претпоставките е позицијата на Република Северна Македонија во поглед на конфликтот во Украина, односно јасното застанување на страната на правдата во оваа држава.
Целта на лажните дојави е да се предизвика паника и недоверба во институциите меѓутоа и паника кај населението. Но, кога ќе видите дека главната цел е психичка дестабилизација и негативно влијание врз граѓаните, сите претпоставки се отворени, рече Петровска во одговор на прашање пред почетокот на официјална промоција на Поткомитетот „НАТО и бизнис заедницата“ во Стопанската комора.
