Речиси 600.000 лица досега починале од ковид-19
Според последните податоци, во светот досега се регистрирани 14.058.847 лица заразени со новиот коронавирус. Од нив починале 595.001, а оздравеле 8.360.756 луѓе.
– Шестмина починати, 103 новозаболени и 95 излекувани од ковид-19 се регистрирани во Косово во текот на минатиот ден. Според последните официјални податоци на косовските здравствени власти, во земјата досега се потврдени 5.472 заразени од новиот коронавирус, од кои 124 починале, додека 2.640 се излукувани. Активни носители на вирусот се 2.708 лица. Вчера се извршени 459, а од почетокот на пандемијата 30.005 тестирања.
– Во изминатите 24 часа во Грција регистриран е еден смртен случај и 28 нови случаи на ковид-19, од кои 12 се по направените тестови на влезните точки во земјата. Од почетокот на епидемијата, заразени се 3.964 лица, а починаа 194 лица.
– Министерството за здравство на Кипар соопшти дека од 1.329 направени тестови во изминатите 24 часа, регистрирани се два нови случаи на ковид-19, со што бројот на заболени се зголеми на 1.033 лица.
– Поради зголемениот број заболени од ковид-19 на кои им е неопходно болничко лекување, болницата „Шефќет Нроќи“ во Тирана повторно е трансферирана во болница Ковид 2. Во оваа и во Инфективната клиника моментно се хоспитализирани 106 пациенти,од нив десет се во сериозна здравствена состојба,соопшти Министерството за здравство и социјална заштита. Според истиот извор во последното деноноќие во Албанија направени се 431 тестови при што позитивен резултат е добиен кај 55 лица , оздравени се 77 а починале три лица.Од почетокот на пандемијата вкупниот број на заразени е 3.906(од направените 34.9606 тестови), оздравеле 2.214, починале 107 а активни на болеста се 1.585 лица.
– Во последните 24 часа во Хрватска се потврдени 98 нови случаи на инфекција со вирусот, така што во овој момент бројот на пациенти е 1.192, соопшти денеска Националниот штаб за цивилна заштита. Од почетокот на епидемијата, вкупниот број на заразени е 4.137, од кои досега се опоравиле 2.825, што е 68,3 проценти. Тестирани се вкупно 100.851 примероци, 1.437 за само 24 часа.
