Репортери без граници: Маск со повеќе од 1.000 напади се обидува да ги дискредитира медиумите и да го промовира X како единствен извор на информации
Репортери без граници“ (RSF) објави дека претприемачот Елон Маск објавил повеќе од 1.000 антимедиумски објави помеѓу септември 2024 и септември 2025 година.
Традиционалните медиуми лажат – тоа е она што Елон Маск го објави на својата социјална мрежа X, објави RSF.
Како што се приближува третата годишнина од купувањето на Твитер (сега X), „Репортери без граници“ откри дека претприемачот објавил повеќе од 1.000 антимедиумски објави помеѓу септември 2024 и септември 2025 година – во просек речиси три дневни напади врз новинари и медиуми.
Неговата кампања, како што објави RSF, на платформата X има јасна цел: да го дискредитира професионалното новинарство.
Стратегијата на Маск е очигледна – тој сака да ја поткопа довербата во медиумите и да го претстави X како единствен алтернативен и „неопходен“ извор на информации, наведуваат од Репортери без граници.
Исто така, се стреми да ја поларизира јавната дебата, да го претвори секој корисник во производител на содржини и да го претстави како еквивалентно на новинарска работа.
Повеќе од една третина од објавите анализирани од Репортери без граници (RSF) сугерираат дека медиумите „ја дезинформираат јавноста“. Како одговор, Маск го промовира X како „противотров“.
RSF е загрижена што приходите од рекламирање на X повторно растат и Репортери без границибараат донации за да ја продолжат борбата за да можат да продолжат да документираат напади врз новинари и вистината да се чуе.
