Рохани: Се надевам дека Бајден ќе се врати на американската политика од пред четири години

Иранскиот претседател Хасан Рохани ја повтори надежта дека Џо Бајден ќе ја врати политиката на САД кон Иран на онаа точка на која ја остави како потпретседател.

Бајден беше потпретседател за време на двата мандата на Барак Обама.

Доколку Иран и САД може да најдат начин да се вратат на состојбата од 20 јануари 2017 година, денот на инаугурацијата на претседателот Доналд Трамп, тоа би било одлично решение за многу прашања и проблеми, пренесува АП.

За време на мандатот на Доналд Трамп, тензиите меѓу САД и Иран ескалираа, што ги донесе двете страни на работ на војната на почетокот на годината. Во меѓувреме, Вашингтон се повлече од нуклеарниот договор со Техеран.

Рохани го повика Бајден експлицитно да ја осуди кампањата на максимален притисок на Трамп и да компензира за погрешните политики што се водеа во последните четири години.

Back to top button
Close