„Росатом“ евакуираше 163 вработени од нуклеарната централа Бушер во Иран

Руската државна нуклеарна корпорација „Росатом“ денеска евакуираше уште 163 вработени од нуклеарната централа Бушер во Иран.

Нуклеарната централа Бушер неодамна беше погодена, а тоа беше единствената оперативна нуклеарна централа во Иран и во неа работат Руси.

Шефот на „Росатом“ Алексеј Лихачев изјави дека околу 300 вработени на компанијата останале во нуклеарната централа, но дека уште повеќе ќе заминат.

Бушер ја изгради Русија, а „Росатом“ гради дополнителни единици таму, но изградбата беше прекината откако САД и Израел го нападнаа Иран на 28 февруари.