Рубио: САД подобро ги разбираат условите под кои Русија би ја завршила војната во Украина

-Можеби за прв пат во оваа администрација имаме конкретни примери за работите што Русија би ги побарала за да се заврши војната, рече Рубио во интервју за Фокс Бизнис Нетворк. Тој додаде дека клучните елементи во секој договор би вклучувале територија.

Рубио истакна дека останува уште многу работа да се направи пред евентуалната средба меѓу претседателот Трамп и неговиот руски колега Путин за да се стави крај на војната во Украина.

-Денеска беше добар ден, но сè уште имаме многу работа. Има многу пречки што треба да се надминат, се надеваме дека ќе го постигнеме ова во наредните денови и часови, можеби и недели, истакна државниот секретар кратко откако Белата куќа ја потврди информацијата од „Њујорк тајмс“ дека Трамп „е отворен“ за лична средба со Путин, како и со Зеленски.