Русија изразува подготвеност да ѝ помогне на Венецуела во спротивставувањето на американската блокада

Министрите за надворешни работи на Русија и Венецуела, Сергеј Лавров и Иван Хил, разговараа по телефон, а во таа прилика руската страна ја потврди својата подготвеност да ѝ пружи поддршка на Каракас во спротивставувањето на американската блокада.

Хил на својот Телеграм канал изјави дека Лавров нагласил дека Москва ќе ѝ пружи на Венецуела сеопфатна соработка и поддршка во спротивставувањето на блокадата, како и целосна поддршка за активностите што се спроведуваат во рамките на Советот за безбедност на Обединетите нации (СБОН).

Според него, за време на разговорот била разгледана и ситуацијата во Карипскиот регион, вклучувајќи, како што изјавил, агресивните потези на Соединетите Американски Држави и грубите кршења на меѓународното право, како што се нападите врз бродови, вонсудските убиства и „акти на пиратство“, за кои Каракас смета дека е одговорен Вашингтон.

Хил додаде дека Лавров ја истакнал недозволивоста на ваквите дејствија, изразил силна солидарност со венецуелскиот народ и потврдил дека Русија ја поддржува земјата во заштитата на регионалниот мир и принципите на меѓународното право.

САД го оправдуваат своето воено присуство во Карипскиот регион со борба против трговијата со дрога.
Во текот на септември и октомври, американските вооружени сили постојано уништуваа бродови покрај брегот на Венецуела, за кои се вели дека превезувале дрога.