Русија можеби добила компромитирачки информации за Трамп од Епштајн
Речиси еден месец пред американскиот претседател Доналд Трамп да се сретне со рускиот лидер Владимир Путин во Хелсинки во 2018 година, Џефри Епштајн се обиде да му пренесе порака на највисокиот руски дипломат: „Ако сакате да го разберете Трамп, разговарајте со мене“.
„Мислам дека би можеле да му предложите на Путин дека Лавров може да добие увид во разговорот со мене“, напиша Епштајн во е-пошта од 24 јуни 2018 година до Торбјорн Јагланд, поранешен премиер на Норвешка, кој го водеше Советот на Европа во времето на размената на пораките, пишува америкнското издание на „Политико“. Лавров очигледно се однесуваше на Сергеј Лавров, долгогодишен министер за надворешни работи на Русија.
Во размената на е-пораки, една од стотиците објавени во средата од конгресните истражители, Епштајн посочи дека претходно разговарал за Трамп со Виталиј Чуркин, силниот амбасадор на Русија во Обединетите нации, пред да Чуркин да почине во 2017 година.
„Чуркин беше одличен“, напиша Епштајн, починатиот осуден сексуален престапник. „Тој го разбра Трамп по нашите разговори. Не е комплексно. Мора да се види за да се разбере нешто, толку е едноставно.“
Размената беше меѓу десетиците што ја покажуваат извонредната мрежа на меѓународни соработници на Епштајн, со кои тој често се допишувал во врска со политичките одлуки на Трамп во првиот мандат.
Белата куќа не одговори веднаш на барањето за коментар за е-поштата, но портпаролката Каролин Ливит на брифингот во средата изјави дека поширокиот сет е-пошта „не докажува апсолутно ништо друго освен дека претседателот Трамп не направил ништо погрешно“.
Трамп подоцна објави на Truth Social: „Демократите се обидуваат повторно да ја покренат измамата со Џефри Епштајн затоа што ќе направат сè за да го одвратат вниманието од тоа колку лошо се справија со затворањето на владата“. Тој се осврна на затворањето на американската влада.
Во е-поштата, Јагланд рече дека следниот ден ќе се сретне со асистентот на Лавров и дека ќе сугерира врска со Епштајн. Не е јасно дали нешто произлегло од предложениот контакт, додава „Политико“.
Но, Епштајн подоцна ќе се изјасни за судбоносната средба на Трамп со Путин, која беше критикувана низ целиот свет поради неговите очигледни капитулации пред рускиот диктатор.
„Дали Русите имаат нешто за Трамп? Денес беше ужасно дури и според неговите стандарди“, напиша Лари Самерс, поранешен секретар за финансии во администрацијата на Клинтон и економски советник во администрацијата на Обама, во е-пошта до Епштајн на 16 јули 2018 година, денот на самитот во Хелсинки со Путин.
„Мојата е-пошта е полна со слични коментари. Воу“, одговори Епштајн следниот ден. „Сигурен сум дека неговиот став е дека поминало супер добро. Тој мисли дека го шармирал својот противник… Признавам дека нема поим за симболиката. Тој нема поим за повеќето работи“. Тој, исто така, го нарече справувањето на Трамп со самитот со Путин „предвидливо“.
Епштајн честопати се потпирал на своите странски контакти за да дознае за нивните ставови за Трамп, бидејќи опсесивно ги следел постапките на новиот претседател. А во други времиња, тој едноставно ги покажувал своите длабоки врски низ целиот свет во е-пошта со други соработници.
„Можете ли да верувате дека МБС ми испрати ШАТОР, теписи и сè“, му напишал Епштајн на милијардерот бизнисмен Том Прицкер во декември 2016 година, осврнувајќи се на Мохамед бин Салман, кој сега е саудиски престолонаследник.
„Шатор? Хммм…“ му одговорил Прицкер. „Мислам дека тоа е код за ‘Те сакам’. Или, можеби код за ‘оди фрли песок’. Подобро провери го твојот урбан речник [на Кралството Саудиска Арабија]“.
Една година пред да се обрати до Јагланд за помош со Русите, Јагланд го замолил Епштајн да го посети во Стразбур, Франција, за да може Епштајн да му помогне „да разбере повеќе за Трамп и што се случува во американското општество“.
