Русија соопшти дека зазела уште едно село во Доњецката област

Русија денеска соопшти дека зазела уште едно село во источната украинска област Доњецк, каде нејзините трупи полека напредуваат кон соседната област Дњепропетровск.

Руското Министерство за одбрана соопшти дека нивните трупи го зазеле селото Мирне, кое го нарекле според неговото советско име Карл Маркс.

Селото се наоѓа во западниот дел на Доњецката област.

Руските сили го забрзаа напредувањето во Украина во последните три месеци, откако во март и април целосно ги повратија териториите што Украинците ги држеа од летото 2024 година во руската погранична област Курск.