Русија соопшти за ново повлекување на своите сили околу Украина

Русија денеска соопшти дека почнала да повлекува уште тенкови и други оклопни возила од областите во близина на границата со Украина, по спроведувањето воени вежби кои предизвикаа загриженост кај Западот, пренесе Бгнес.

– Нов воен воз кој превезува персонал и воена опрема на тенковските армиски единици на Западниот воен округ се врати во постојаните бази во Нижни Новгород по планираните вежби, се вели во соопштението на руското Министерство за одбрана.

Исто така, се наведува дека 10 воени авиони биле повлечени од полуостровот Крим, анектиран од Москва.