Руски дронови погодија два странски цивилни брода во регионот на Одеса
Русија со дронови нападна два цивилни брода под странско знаме во регионот на Одеса, при што загина еден сириски државјанин, а еден е ранет, соопшти денеска заменик-претседателот на украинската Влада, Олексиј Кулеба.
Еден од бродовите, кој пловел под знамето на Сент Китс и Невис, бил мета на нападот додека се движел кон пристаништето Чорноморск за да преземе жито. Вториот брод, под знаме на Коморските Острови, превезувал соја и бил нападнат во близина на пристаништето во Одеса.
– Ова е уште еден показател дека Русија намерно ги таргетира цивилните објекти, меѓународниот бродски сообраќај и логистиката на храна, истакна Кулеба.
Според украинските пристанишни власти, во текот на изминатата година се забележани 96 руски напади врз пристаништата во областа на Одеса, што е речиси тројно зголемување во однос на 2024 година.
❗️Russia attacked civilian shipping: two vessels were hit.
A Russian drone struck a foreign civilian vessel en route to Chornomorsk port.
Another vessel was hit near Odesa.
One crew member, a Syrian national, was killed. pic.twitter.com/VZ5KCzRgic
— Oleksii Kuleba (@OleksiiKuleba) January 9, 2026
Кулеба објави и фотографии на кои се гледаат оштетувањата на бродовите „Ladonna“ и „Wael K“.
