Руте: Одлуката за издвојување на пет отсто од БДП за одбрана е историска

Генералниот секретар на НАТО, Марк Руте, денеска во Берлин истакна дека на минатомесечниот самит во Хаг, членките на НАТО донесоа историска одлука за издвојување пет отсто од БДП за одбрана.

Според него, тоа ќе произведе квантен скок за колективната безбедност.

– Ова е неопходно за да се одговори на длабоките безбедносни закани со кои се соочуваме, како што се заживувањето на Русија, тероризмот, кибер нападите, саботажата и жестоката глобална конкуренција, рече тој по состанокот со германскиот канцелар Фридрих Мерц по повод 70-годишнината од приклучувањето на земјата во Алијансата.

Тој додаде дека е важна обврската на европските сојузници и Канада да ги ребалансираат одбранбените трошоци со САД и оцени дека самитот во Хаг поставил темели за „посилен, поправеден и посмртоносен НАТО“, наведено е во соопштението објавено на веб-страницата на Алијансата.

Руте ја поздрави подготвеноста на Германија, како што рече, како водечка европска сила, да го преземе својот дел од придонесите потребни за обезбедување на заедничката безбедност на земјите-членки на НАТО