САД ќе ја обноват помошта за Палестинците
Администрацијата на американскиот претседател Џо Бајден планира да испрати пакет помош од околу 150 милиони долари за Палестинците, обновувајќи дел од помошта која ја прекина поранешниот претседател Доналд Трамп, изјавија денеска добро упатени лица во процесот
Се очекува Стејт департментот денеска да објави дека ќе испрати помош која главно ќе биде доделена преку Агенцијата на ОН за давање помош на Палестинците (UNWRA), како дел од напорите да се подобрат односите меѓу САД и Палестинците.
Американската администрација јасно стави до знаење дека има намера да повлече делови од пристапите на Трамп, кои Палестинците ги сметаат за пристрасни во корист на Израел.
