САД: Се самоуби тренерот обвинет за сексуална злоупотреба на гимнастичарки

– Џон Гедерт, тренер на американскиот тим за гимнастика што освои злато на Олимписките игри 2012 година, изврши самоубиство откако беше обвинет за сексуална злоупотреба на гимнастичарки во Мичиген.

Неговото тело е најдено вчера крај автопат близу Лансинг, Мичиген, САД, соопшти полицијата.

Против Џон Гедерт е поднесена тужба за физичко, вербално и сексуално злоставување на 20-тина девојки кои тренирале гимнастика меѓу 2008 и 2018 година во неговиот клуб Твистарс близу Лансинг. Во истиот клуб работеше и терапевтот Лери Насар, поранешен лекар на американскиот државен тим по гимнастика, кој беше во средиштето на најголемиот сексуален скандал во спортската историја на САД.

Гедерт требаше да се појави во околниот суд вчера попладне.

Можеби ќе ве интересира
Close
Back to top button
Close