Само 22 ученици во гимназијата „7 Март“ во Тетово – Влаши: Бројот на поени потребни за упис е намален

Во гимназијата „7 Март“ во Тетово, во двата уписни рокови се запишале само 22 ученици, додека третиот рок е на 21 август. Од ова училиште очекуваат бројот на ученици да се зголеми за да се пополнат осумте паралелки, земајќи го предвид фактот дека и бројот на поени е намален од 60 на 50,пренесува  ТВ „21“.

Гимназијата беше отворена пред неколку години како училиште во кое наставата се одвива само на албански јазик. 7 март е денот на кој е отворено првото секуларно училиште на албански јазик во Корча во 1887 година.

Во централната тетовска гимназија „Кирил Пејчиновиќ“ и во Средното медицинското училиште „Никола Штејн“ предвидениот број на ученици е веќе пополнет, пишува ТВ „21“.

-Врз основа на дозволените поени, кои се намалија од 60 на 50, бројот малку се зголеми. Се надевам дека во августовскиот рок, односно на 21 август, тој број ќе порасне и ќе имаме значителен број ученици, со што нашето училиште ќе може да функционира со планираните паралелки – осум паралелки. Сметам дека минимум треба да имаме по 20 ученици во паралелка, и мислам дека тоа е минимален услов и за нас да функционираме како и сите други училишта, изјави за ТВ „21“ Исмаил Влаши, директор на гимназијата „7 Март“.

Во тетовските средни училишта досега се запишале над 700 ученици, иако има околу 900 слободни места. Од секторот за образование велат дека не очекуваат сите места да се пополнат.

-Во првиот и вториот рок се запишани вкупно 575 ученици Албанци, 155 ученици од македонска етничка припадност и осум ученици од турска етничка припадност. Во меѓувреме, имаме слободни места согласно планот за запишување ученици, кој прво се усвојува во општинскиот совет како основач, а потоа се добива согласност од конкурсот на Министерството за образование и наука. Во рамките на петте средни училишта имаме околу 900 слободни места, изјави Назми Даути, сектор за образование при општина Тетово.

Иселувањето во странство на цели семејства е сериозен проблем кој се одразува во тетовските училишта. Речиси секоја година од 100 до 250 ученици од основните и средните училишта бараат исписници поради заминување во странство.