Санкционирани 17 возачи на подрачјето на СВР – Тетово, кои биле под дејство на алкохол
На подрачјето на СВР-Тетово синоќа од 22 часот до четири часот изутринава е спроведена акциска контрола за санкционирање на возачи што управуваат возило под дејство на алкохол. Во контролата откриени и санкционирани се 17 возачи во Тетовско под дејство на алкохол и на сите им се изречени соодветни санкции, соопшти МВР.
Покрај ова, при контролата биле откриени и санкционирани и 20 други видови сообраќајни прекршоци, 13 во Тетовоско и седум во Гостиварско, кои биле заокружени со законски предвидените поднесоци.
