Санкционирани 223 возачи во Скопје, 35 за возење под дејство на алкохол

Вкупно 223 санкции изрече вчера полицијата при засилените сообраќајни контроли во Скопје. Од нив, 24 се за возење со брзина поголема од дозволената, 25 се за возење без возачка дозвола, а 67 се прекршоци што ги направиле мотоциклисти.

Како што соопшти МВР, изречени се и две мерки за користење мобилен телефон, 35 за возење под дејство на алкохол, пет за минување на црвено светло, 16 за нерегистрирани возила, како и девет за возач почетник.

-Засилените акциски контроли продолжуваат. Граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, апелира МВР.