СДК-ДЕТЕ ПОД КЛУЧ ПО 22 ЧАСА НА ДЕН ВО ЗАТВОРОТ ИДРИЗОВО. ПОПРАВНИОТ ДОМ „ТЕТОВО“ НЕМА ОГРАДА ЗА ДА ГИ ДЕЛИ МОМЧИЊАТА ОД ДЕВОЈЧИЊАТА

Девојче на возраст меѓу 14 и 15 години седи заклучено само во соба во женскиот дел во затворот во „Идризово“ за да не се помеша со возрасните осуденички, дознава САКАМДАКАЖАМ.МК. Девојчето не може да биде сместено во воспитно-поправниот дом „Тетово“ во Волковија, затоа што таму уште не е ставена оградата која треба да ги одделува физички и визуелно момчињата од девојчињата со заштитни мерки.

Судот кој му ја изрекол воспитно-поправната мерка на девојчето, го пратил на издржување во затворот „Идризово“, бидејќи нема каде.

Народниот правобранител штом дознал, по сопствена иницијатива отворил предмет за детето кое не е ни осуденичка, а од јануари 2025 година само седи во затворот „Идризово“ во близина на осуденичките за тешки кривични дела.

Советничката Васка Бајрамовска-Мустафа која го води одделот кај Народниот правобранител за правата на децата, вели дека во затворот нема никакви услови за престој, работа и ресоцијализација на деца. Најавува дека утре ќе оди во ВП Дом во Волковија, каде што има услови за издржување на воспитно-поправни мерки, има нови училници и спални, а објектот е полупразен, за да види што е проблемот што уште не се отвора таму делот за девојчиња и малолетнички.

Повеќе на сдк.мк