СДК-СЕ РАСИПА ЕДИНСТВЕНИОТ ИСПРАВЕН РАДАР НА СКОПСКИОТ АЕРОДРОМ

21.09.2025 22:39

788 1 минута читање

СЕ РАСИПА ЕДИНСТВЕНИОТ ИСПРАВЕН РАДАР НА СКОПСКИОТ АЕРОДРОМ, ЌЕ СЕ РАЗВЛЕЧЕ РАСПОНОТ НА СЛЕТУВАЊЕ ДОДЕКА СТИГНЕ ОД СТРАНСТВО ПРЕГОРЕНИОТ ДЕЛ Контролорите на летање летово се заканија со штрајк ако не се инсталира нова опрема, предупредувајќи дека не само стариот радар, туку и софтверот и останатата опрема ќе почнат да откажуваат (Фото:СДК.МК)

Се расипа единствениот исправен радар во Контролата на летање во Македонската навигација (М-НАВ) на Скопскиот аеродром, со што од вчераутро контролорите не можат да ги гледаат авионите на мала висина, кога слетуваат. Од двата радара, едниот врз Контролната кула, другиот во нејзина непосредна близина, во функција бил само вториот, кој сега се расипа.

Најголемото ограничување, сепак, е тоа што под 9.500 стапки (под 2.900 метри) нема радарско покривање во Skopje TMA. Во вакви услови контролорите на летање мора да применуваат процедурска наместо радарска контрола, што значи поголеми временски и просторни растојанија помеѓу авиони. Ова неизбежно ќе доведе до задржувања и доцнења на пристигнувањата и заминувањата на скопскиот аеродром „Александар Велики“, објави 4NEWS.mk

Воздухопловните експерти предупредуваат дека ваквите ограничувања не само што го намалуваат капацитетот на воздушниот сообраќај, туку и ја зголемуваат комплексноста на работата на контролорите.

Додека не се отстрани дефектот, односно додека не стигне делот од Италија, ќе мора контролорите да ги слетуваат авионите еден по еден. Ако се погоди истовремено и друг, трет авион за слетување, ќе мора да кружат малку на небо, додека не слета тој пред нив.

Информацијата за САКАМДАКАЖАМ.МК ја потврди директорот на М-НАВ Владимир Ристески, кој кажа дека работата ќе си се одвива како и досега, само со побавно темпо и оти најважно е што нема никаков безбедносен ризик со слетувањето и со полетувањето на авионите на Скопскиот аеродром.

Целата сторија на СДК МК