СДСМ: Обвини дека Mицкоски е режисер на крваво сценарио -Човекот со пиштол е брат на функционер на Алијанса

Мицкоски не е никаква жртва туку режисер на крваво сценарио. Крваво сценарио на Мицкоски и неговите коалициски партнери Левица и Алијанса, крваво сценарио кое не успеа. Мицкоски не беше вечерва мета туку ја одигра најлошата улога за државата и за граѓаните, обвини СДСМ, реагирајќи на вонредната прес-конференција на лидерот на ВМРО-ДПМНЕ.

– Ова е човекот за којшто Мицкоски според нивното крваво сценарио требаше да глуми негов напаѓач. Цуфи Кока. Погледнете за кого станува збор, веќе МВР го приведе ова лице. Овој човек е брат на висок член на коалицискиот партнер на Христијан Мицкоски, Алијанса, којшто воедно е директорот на јавното претпријатие „Комунална хигиена“ Скопје. Повторувам, станува збор за братот на претседателот на огранокот на Алијана во Чаир и главен функционер во кампањата на Данела Арсовска – тврди Дарко Каевски, пратеник и портпарол на СДСМ.

Тој апелира на смиреност и бара институциите да си ја завршат работата и сите инволвирани да одговараат пред законот.

– Нема да дозволиме дестабилизација и сите нивни деструктивни сценарија повторно ќе бидат поразени – порача Каевски.

 

Back to top button
Close