СДСМ: ВМРО-ДПМНЕ функционира во нелегално стекнат имот, се што има нека достави до надлежните институции

ВМРО-ДПМНЕ е партија симбол на криминал и незаконски стекнат имот. Белиот дворец од каде ВМРО-ДПМНЕ држи прес-конференции е нелегално стекнат имот потврден со судска пресуда во предметот Талир 2. Како не им е срам да држат прес-конференции во криминално стекнат имот кој е пред конфискација? Барем да излезеа од него ако имаа малку доблест, реагираат од СДСМ.

СДСМ им порача на ВМРО-ДПМНЕ да си погледнат прво во свои редови ако сакаат да зборуваат за нелегално стекнат имот.

„Нема поголема, подрска и покриминална,на шема отколку онаа за стекнување на белата палата на ВМРО-ДПМНЕ. Ако го веќе сака да зборува за нелегално стекнат имот, ВМРО-ДПМНЕ нека си погледне прво во сопствените редови. Со кој пријавен имот и на каков начин Никола Груевски живее во Будимпешта? На кој начин Сашо Мијалков го стекнал луксузниот имот кој го нудеше како гаранции при судските процеси? Се што ВМРО-ДПМНЕ има како информација за анкетните листови нека ги достави до Државната комисија за спречување корупција, наместо заради безидејност да ја замајува јавноста“, се вели во соопштението.