Се урна кула на црква стара 500 години, повредена полицајка која одела на работа
Кула од црква стара повеќе од пет века во романскиот град Чеху Силванеи делумно се урна синоќа, предизвикувајќи паника меѓу локалното население. Во инцидентот е повредена полицајка, која во моментот одела кон блиската полициска станица.
Реформираната црква висока 40 метри била во фаза на реновирање. Иако работниците забележале пукнатини уште во петокот и ги запреле работите за да постават потпорни греди, конструкцијата не издржала и се урнала во вторникот навечер.
Полицајката се здобила со полесни повреди. Екипи со кучиња трагачи цела ноќ ги пребаруваа десетиците тони камен и шут за да се осигураат дека нема затрупани лица.
