Седница на УО: Тестовите за КОВИД-19 ќе ги обезбеди ФФМ
На денешната седница на Управниот одбор на Фудбалската федерација на Македонија (ФФМ) беа донесени неколку одлуки, меѓу кои и одлука тестирањето за Ковид – 19 за фудбалерите и стручниот штаб на клубовите од Прва МФЛ и Прва ЖМФЛ пред почетокот на натпреварувачката сезона 2020/2021 да биде на трошок на Фудбалската федерација на Македонија.
У.О. на ФФМ ги усвои и предлог пропозициите за натпреварување во Прва МФЛ за натпреварувачката сезона 2020/2021; календарот за натпреварување во женска конкуренција какои во младите категории за натпреварувачката сезона 2020/2021.
На денешната седница се усвои и листата на делегати за следната натпреварувачката сезона, како и за измени и дополнувања на Правилникот за регистрација, статус и трансфер на фудбалери.
