Секој има право на лош ден, се надевам дека тој ден заврши: Мицкоски за кавгата на Милошоски со Филков

Пратеникот на ВМРО-ДПМНЕ, Антониo Милошоски и министерот за правда, Игор Филков, вчера имале лош ден. Се надевам дека тој лош ден заврши и за едниот и за другиот, рече Христијан Мицкоски, откако тие двајца вчера јавно се искараа.

„Милошоски е дел од мојот најблизок периметар, тој е додадена вредност во рамките на партијата. Соработката со Милошоски ја оценувам на највисоко ниво“, рече Мицкоски и додаде:

„Знам со какви проблеми се соочил министерот Игор Филков и знам каква состојба затекнал. На дневна основа се координираме и соработуваме во делот на реформите. Можам да заклучам и се надевам дека ќе застане на два лични ставови е дека секој има право на лош ден и се надевам дека тој лош ден заврши и за едниот и за другиот“.