Секој петти работник не сака да се врати во фирмата – Дали работата од дома ќе стане „ново нормално“?

Скоро третина од луѓето кои работат од дома на онлајн состаноци се облечени во пижами, а секој десетти го нема долниот дел, покажува анкетата на YouGov.

Резултатите покажуваат дека 42 проценти од оние кои работат од дома се „уморни од Zoom“, но само 14 проценти од нив сакаат да се вратат на работа со полно работно време кога ќе заврши пандемијата. Секој петти испитаник одговорил дека никогаш не сакал да се врати во просториите од фирмата.

Истражувањето беше спроведено нешто повеќе од една година по првиот карантин.

Во истражувањето учествуваа 2027 далечински работници. Скоро половина (45 проценти) сакаат баланс помеѓу работата од дома и работата во канцеларија, односно одење на работа помеѓу еден и три дена во неделата.

Како најчеста причина за тоа, 51 процент од испитаниците наведоа дека избегнуваат патувања на работа. Во 34 проценти од случаите, работниците претпочитаат пофлексибилно работно време.

Дваесет проценти сакаат да продолжат да работат од дома затоа што на тој начин можат да спијат подолго, а 15 проценти затоа што не мора да носат формална облека.

Разговорот со колегите е она што најмногу им недостасува од животот во канцеларијата (43 проценти), а заситеноста од Zoom, 31 процент, е уште една причина да се вратат на работа.

Триесет проценти од испитаниците признале дека присуствувале на онлајн состаноци во пижами, 25% по пат се занимавале со онлајн шопинг, а 15% играле игри за време на состанокот.

– Истражувањата покажуваат дека работата никогаш нема да биде иста како пред пандемијата. Вработените бараат пофлексибилно и хибридно работно опкружување што го задоволува новиот баланс помеѓу животот и животот, создаден со долга работа од дома – стои во извештајот на YouGov.