Шеф на Интер потврди дека сака да го задржи Санчез
Екипата на Интер сепак се надева дека ќе го задржи Алексис Санчез, иако Манчестер Јунајтед ја отфрли можноста да го продолжи заемот. Чилеанецот е во добра форма по рестартот на Серија „А“, играјќи на сите 12 натпревари на Интер, во кои постигна три гола и даде шест асистенции.
Јунајтед се согласи да го пушти Санчез на „Сан Сиро“ до крајот на сезоната во италијанската лига, но не и за натпреварите во Лигата на Европа.
Сепак, Интер би можел да потпише Санчез трајно или повторно да го изнајми за следната сезона со задолжителна откупна клаузула, што ќе му овозможи да игра со „пријателите“ во Лигата на Европа и потенцијално да се соочи со Јунајтед во финалето.
Извршниот директор Џузепе Марота ја потврди желбата на Интер да го задржи Санчез во вторникот вечерта, иако договорот ќе биде тешко да се комплетира.
– Не е лесно. Тој има двегодишен договор со Манчестер Јунајтед. Ќе биде штета ако не успееме да постигнеме договор, затоа што би сакале Санчез да биде со нас денес и во иднина, тој е одличен играч, изјави Марота.
Иако Јунајтед беа подготвени да прифатат минимална понуда за Санчез порано во сезоната само за да заработат пари за него, сега се проценува дека веруваат дека би можеле да добијат околу 17 милиони фунти. Сепак, „нероазурите“ тешко дека ќе бидат подготвени да платат таква сума, особено ако треба да му плаќаат и огромна плата од околу 500,000 фунти неделно.
Пред неколку дена имаше извештаи дека Интер понудил размена – Иван Перишиќ, кој минатата сезона ја мина на позајмица во Баерн Минхен, во замена за Санчез.
