Шојгу предупредува: Западот планира да ги врати силите на НАТО во Авганистан
Западот планира да ја врати воената инфраструктура на НАТО во регионот на Авганистан, изјави секретарот на Советот за безбедност на Русија, Сергеј Шојгу.„Исто така е јасно дека западните сили, кои ги загубија своите позиции во авганистанскиот правец, разработуваат планови за враќање на воените инфраструктурни објекти на НАТО во регионот“, напиша Шојгу во статија за весникот „Руска газета“.
Според него, и покрај декларативните изјави дека немаат намера да ја признаат власта на Талибанците, Лондон, Берлин и Вашингтон покажуваат желба да се приближат до авганистанското раководство и не е случајно што нивните претставници се почесто се во Кабул во последно време.
