Шолц се противи на барањето на Трамп членките на НАТО да ги зголемат трошоците за одбрана

Германскиот канцелар Олаф Шолц изрази противење на барањето на новоизбраниот американски претседател Доналд Трамп земјите-членки на НАТО да ги зголемат трошоците за одбрана на пет отсто од Бруто домашниот производ (БДП), нагласувајќи дека тоа претставува „многу пари“ за германскиот буџет.

„Мислам дека е подобро да се фокусираме на патот по кој долго време се движи НАТО“, рече Шолц за Фокус онлајн, додека сегашните правила на НАТО бараат од членките да посветат најмалку два отсто од својот БДП на воените трошоци.

Шолц додаде дека движењето кон целта наведена од Трамп ќе вклучи трошење 200 милијарди евра годишно за одбрана, во споредба со буџетот на Германија од околу 490 милијарди евра планиран за 2025 година.

„Тоа се многу пари“, рече тој.Германските воени трошоци достигнаа два отсто од БДП за првпат во 2024 година, правило што НАТО го постави во 2014 година по руската анексија на црноморскиот полуостров Крим