Со истрагата на шпионот на БИА Фатмир Шеколи Косовското обвинителство го уловило и извесен „Виктор Македонија“ за ширење Српско влијание во С,Македонија

Во досието на Специјалното обвинителство на Република Косово против Фатмир Шехоли се споменува и лице од Северна Македонија, кое во комуникациите евидентирани во истражните материјали првично се појавува под ознаката „Виктор Македонија“, додека во други делови од досието се споменува името Виктор Петрушевски.
​Според обвинението, комуникациите на Шехоли не биле ограничени само на лица и структури во Косово и Србија. Обвинителството евидентирало и контакти со лицето регистрирано во телефонот како „Виктор Македонија“, кои, според наводите во обвинението, се поврзани со обидите за ширење на српското влијание и во Северна Македонија.
​Во останатиот дел од материјалите вклучени во досието, Обвинителството го споменува Виктор Петрушевски, поврзувајќи го со комуникациите остварени со Шехоли во декември 2024 година. Според обвинението, од овие комуникации произлегува дека Шехоли презел дејствија за организирање средба со Бојан Димиќ, кого Обвинителството го идентификува како службеник на Безбедносно-информативната агенција на Србија (БИА). Обвинителството тврди дека средбата била реализирана на 25 декември 2024 година. Токму поради совпаѓањето на ознаката „Виктор Македонија“ со споменувањето на името Виктор Петрушевски во другите делови од досието, лицето од Северна Македонија се јавува како едно од имињата што Обвинителството ги вклучило во материјалите од комуникациите запленети од телефонот на Шехоли.
​Сепак, тврдењата на Обвинителството се дел од обвинителен акт и не претставуваат конечна судска одлука. Улогата и евентуалната одговорност на споменатите лица треба да бидат утврдени од страна на судот во соодветна постапка.
​Фатмир Шехоли е обвинет од Специјалното обвинителство на Косово за шпионажа и уцена, додека предметот се разгледува во Основниот суд во Приштина. (ИНА)