Си-Ен-Ен: Бајден ќе објави дека од 19 април сите Американци ќе имаат пристап до вакцина

Американскиот претседател Џо Бајден планира да објави дека го повлекува рокот од скоро две недели за вакцинирање против коронавирус на сите возрасни, пренесува Си-Ен-Ен.

„Бајден ќе објави дека секој возрасен човек во САД ќе може да се вакцинира од 19 април наместо од 1 мај, како што објави американскиот лидер на почетокот на оваа година“, изјави портпарол на администрацијата.

Минатата недела Бајден објави дека 90 отсто од возрасните ќе можат да ја примат вакцината од 19 април. Секој Американец може да се вакцинира во радиус од осум километри од дома.

Шефот на државата посочи дека бројот на аптеки кои учествуваат во федералната кампања за имунизација се зголеми од 17.000 локации на 40.000.

Држави како Орегон, Јужна Дакота, Небраска, Хаваи и Њу Џерси планираат да обезбедат вакцини за сите од 1 мај. Нејасно е како ќе се променат плановите на овие држави со објавата на Бајден. Американскиот лидер се очекува да им се обрати на гувернерите за оваа промена.

Бајден планира да го посети местото на вакцинација во Вирџинија, а потоа да разговара за имунизацијата од Белата куќа. Тој се очекува да објави дека се дадени 150 милиони дози во првите 75 дена од неговиот мандат.

Бајден постави нова цел – 200 милиони дози за првите 100 дена.