Си: Кина треба да се сврти кон напредните технологии и да ги поттикнува иновациите
Кинескиот претседател Си Џинпинг денеска во Пекинг побара Кина да се сврти кон напредните технологии во светот и да ги продлабочи стратегиите за заживување на земјата преку наука и образование и развој на земјата темелен на иновациите.
-Земјата треба да го подобри својот иновативен систем, да ја забрза изградбата и да стане голема сила во областа на науката и технологијата, како и да постигне високо ниво на самостојност и самостоен напредок во научната и технолошката област, рече Си на отворањето на три настани.
Отворајќи ја 20-та конференција на членовите на Кинеската академија на науките, 15-та Кинеска инженерска академија и 10-та Национална сесија на делегати на кинеската асоцијација за наука и технологија, претседателот Си кажа дека овие настани се одржуваат во време на почетокот на „новиот кинески марш за изградба на модернизирана социјалистичка држава, пренесе Кинеска медиумска група (ЦМГ).
Си, како генерален секретар на Централниот комитет на Комунистичката партија на Кина (Централен комитет на КПК) и претседател на Централната воена комисија, додаде дека на состаноците ќе бидат организирани консултации за плановите за научен и технолошки развој на земјата.
-Во последниве години, под силно раководство на Централниот комитет на КПК и со заеднички напори на научните и технолошки кругови, но и на сите општествени кругови во земјата, Кина направи премин од квантитативен развој во квалитативен скок, како и премин од постигнување пробив во одредени сфери кон сеопфатно зголемување на систематската способност, постигнувајќи историски успех во научните и технолошките иновации, изјави Си.
На денешните три собири учествуваат околу 3.000 лица, вклучувајќи и официјални лица од партиски, воени и политички тела, членови на Кинеската академија на науките и Кинеската инженерска академија и претставници на странски членови на двете споменати академии и Кинеската академија за наука и технологија.
